Singer: Aakanksha Sharma

कोरस:आओ जी ढोला आओ जी - 2
मुखड़ा:फीमेल: आओ आओ आओ जी
पधारो म्हारा मारू जी
सूनो सूनो आँगण लागै
आओ फूल खिलाओ जी
ऊभी उडिकूँ रंग महलां में
ऊभी उडिकूँ रंग महलां में

अंतरा :- 1
सुवतिया संदेसो लेजा
जा राजन ने देणो है
थांरी गोरी याद करया है
इत्तो कान में कहणों है
उडजा बीरा जा उडजा
ओ काम पड़्यो थाँ सारू जी,,,ऊभी उडिकूँ

अंतरा :- 2
चित में चैन नींद नैणा में
आवे नाहीं एक घड़ी
ऊभी जोऊँ बाट भंवर जी
खिड़की ऊपर खड़ी खड़ी
जोबन री निछरावल थाँ पर
तनड़ो मनड़ो वारां जी,,,ऊभी उडिकूँ