Singer: Shubhankar

Kabhi Hum Jo Mile
Yeh raasta jo le chala,
Tha judaa, tha nayaa,
Phir mod pe tu yun mila,
Mil gaya, kaafila,

Yeh fizaayein gunjati hi rahi,
Kaanon mein ye kehti hi yun gayi,
Udd chale ab aasmaan mein kahin,
Baadalon pe theher jaayein kahin,

Ret pe likh gaye, kuch kadam yaad ke,
Ab jo behte chalein, yeh rukte hi nahin…

Kabhi hum jo mile kahi to,
Har pal ji chale khushi ko…

Tanha tha main, tanha tha tu,
Mil gaya saaya tera,
Yeh vaadiyan, yeh aasman,
Dhundhta har jagah…

Chhod ke yeh dar deewaron ke,
Mil gaye hai ghar pahaadon ke,
Yaar ye jud gaye,
Humsafar aag ke,
Ab jo jalte jale, ye rukte hi nahin…

Tham gaya, yeh safar,
Yaar jo bichhad chalein,
Yaad rahe mulaqat yeh,
Alvida na keh sake,

Ret pe likh gaye, kuch kadam yaad ke,
Ab jo behte chalein, yeh rukte hi nahin
Kabhi gar hum huye juda jo
Yaadon mein rahe kahi to…